Հարգելի այցելու
Ողջունում ենք Ձեզ ՀՀ Սյունիքի մարզի Վերիշեն համայնքի կայք էջում:
Շնորհակալ ենք Ձեզ կայքից օգտվելու համար: Այստեղ դուք կարող եք գտնել Վերիշեն համայնքի բոլոր նորությունները, ինչպես նաև ծանոթանալ համայնքի պատմությանը:
Մեզ համար կարևոր է յուրաքանչյուրի մեկնաբանությունն ու կարծիքը: Հավաստիացնում ենք, որ Ձեր յուրաքանչյուր հարցադրում և մեկնաբանություն կարժանանա համայնքապետարանի ուշադրությանը: Կայքում տեղ կգտնեն հետաքրքիր ու բազմաբովանդակ տեղեկություններ Վերիշենի, ինչպես նաև ընթացիկ գործունեության, իրականացվող ծրագրերի, հայտարարությունների, և ուրիշ այլ կարևորագույն հարցերի մասին:

Հարգանքներով Վերիշենի համայնքապետարան

ՕԳՆԻՐ ՀԱՐԱԶԱՏ ԳՅՈՒՂԻԴ

 << Հայրենիքս`  Հայաստան, ծննդավայրս` գ. Վերիշեն>>:

Ահա  մի  խորագիր ,որի մեջ կարող ես տեղավորել մի ամբողջ  աշխարհ`իր մեծ  ու փոքր  պատմություններով , իր մեծ ու փոքր հաղթանակներով , իր  մեծ ո փոքր ցավերով:
   Մի  աշխարհ ,որը մեծ է իր հարուստ անցյալով ,իր  բազմազան  ավանդույթներով  ու  իր  դարերից եկած մշակույթով: Այսօր  այդ  աշխարհը մի փոքրիկ հողակտոր է , որն ունի բազում չլուծված խնդիրներ: ԵՎ  այդ ամեն մի խնդիրը յուրաքանչյուրիս վերաբերվող     չլուծված մի  հարց է:
       Հայրենիքը  ես եմ, դու  ես, նա է- Մենք ենք, Հայերս: ՈՒ մենք հավերժ ենք , քանզի հայի համար հայրենիք  ու հայրենասիրությունը վեր է ամեն ինչից: Ելնելով մեր անցյալից,  մեր դարավոր պատմությունից, մենք պետք է համախմբվենք ու օգնենք մեզ,   թեկուզ և մի փոքրիկ նվիրատվությամբ օգտակար լինենք  մեր համայնքի բարգավաճմանն ու  ծաղկմանը , քանզի մենք ենք կառուցում մեր ապագան , և կառուցածն ու չկառուցածը ժառանգում մեր սերունդներին:
      Մեր նպատակն այն է, որ մեր  փոքրիկ գործով կարողանանք թեթևացնել  վերիշենցու  հոգսերից մի որոշ մասը: Օտարության մեջ գտնվող մեր համագյուղացիներն , որքան էլ որ հեռու  գտնվեն  իրենց հարազատ գյուղից , միևնույն է  ամեն օր իրենց երազներում տեսնում են Վերիշենը`  իր Պղնձաքարով, Վարարակն  գետում սարքած ,,գյոլը,,  որը  կոչվում է <<Խանումին  գյոլ>> ,Հուրումին,Աջոյի ,Տռոզին աղբյուրները,հին գյուղի քրատակներն ու այնտեղ ծնված մանկական չարաճճի խաղերը, հուշարձանը ` Դադուն Աշոտի քարակերտ առյուծներով ու նրա շվաքում խմած կենացները…Ժորժիկ դայու պատմությունները…..և անվերջ կարելի է   այսպես մեկիկ-մեկիկ հիշել :
Ինչպես կարելի է կապված չլինել այն հողի հետ ,որտեղից սերվել  ենք, որտեղ մեր սերնդի ամբողջ պատմությունն է , որից ժառանգել ենք շատ բնորոշ, բայց և  անհատական գծեր:
     Եկեք միավորվենք, եկեք  սատար  կանգնենք մեր հայրենիքին, չէ որ հարկավոր ենք նրան, քանզի մեր դաստիարակությամբ , մտածելակերպով  ամբողջացնում ենք  համայնքի ընդհանուր  պատկերը:
     Աստծո օրհնությամբ մենք ունենք մեծահոգի համագյուղացիներ ,որոնց օգնությամբ որոշ խնդիրներ են լուծվել  մեր  համայնքում :  Բերենք  նմանատիպ օրինակներ.
   Վերիշենի միջնակարգ դպրոցի 80-ամյակի կապակցությամբ  , միջոցառումների շրջանակներում  Թուրքմենստանի մայրաքաղաք  Աշխաբադում գտնվող մեր հայրենակիցների կողմից հանգանակած գումարով  հնարավոր  դարձավ ապակեպատել  դպրոցի  մի  շարք  դասարաններ և  վերանորոգել սանհանգույցները , ՌԴ-ի  դաշնության    բնակվող  մեր  5  հայրենակիցների   հանգանակած  գումարով  կազմակերպվել է  միջոցառումներ`  Հայրենական մեծ  պատերազմում տարած  հաղթանակի 60-ամյակի կապակցությամբ:

     Սիրելի հայրենակիցներ ,   եթե կցանկանաք    Ձեր մասնակցությունն ունենալ  մեր  համայնքի  որևէ մի  խնդրի լուծման  համար  , ապա   կատարած  նվիրատվության յուրաքանչյուր 1 դրամի  համար  կներկայացվի հաշվետվություն  և  այդ  հաշվետվությունը  կտրամադրվի ինչպես   Ձեզ  ,այնպես էլ  կտեղադրվի Վերիշեն համայնքի ինտեռնետ    կայքում ,որի միջոցով բոլոր վերիշենցիները  տեղյակ կլինեն  կատարված  բարեգործական աշխատանքների և ծախսված միջոցների մասին :
    Մենք  նախահաշիվ ենք  կազմելու  յուրաքանչյուր  կատարվելիք  աշխատանքի համար  և  տեղադրելու ենք մեր կայքում:
    Ցանկացողները  կարող են  հաղորդագրություն թողնել , կամ ել  կապ  հաստատել մեզ հետ: Մեր տվյալները  կգտնեք մեր կայքի  /www.verishenhamaynq.blogspot.com/ էջում:
     Ստորև  կներկայացնենք այն  հիմնախնդիրները  ,որոնք  առկա են գյուղում և  որոնք  մինչ  այսօր  սպասում են իրենց  լուծմանը:





1.             Համայնքի  բնակչության  խմելու  ջրի  շուրջօրյա    ապահովման և  ջրի  անհրաժեշտ  որակական  չափանիշների  ապահովման  համար  <<ԽՄԵԼՈՒ ՋՐԻ ԿՈՒՏԱԿԻՉ ՋՐԱՄԲԱՐՆԵՐԻ ԿԱՌՈՒՑՈՒՄ  >>:   
2.            Համայնքում  ավտոմոբիլային և գյուղատնտեսական տեխնիկայի  նորմալ  երթևեկության , բնակչության  հետիոտնային անվտանգ անցուդարձի  ապահովման  համար  <<ՀԱՄԱՅՆՔԻ  ՓՈՂՈՑՆԵՐԻ ԵՎ  ՃԱՆԱՊԱՀՆԵՐԻ ԲԱՐԵԿԱՐԳՈՒՄ, ՆՈՐՈԳՈՒՄ, ՓՈՂՈՑԱՅԻՆ ԼՈՒՍԱՎՈՐՈՒԹՅԱՆ  ԱՊԱՀՈՎՈՒՄ>>:
3.            Նախադպրոցական  տարիքի  երեխաների  խնամքի և դաստիարակության  որակի  բարձրացման  համար <<ՆԱԽԱԴՊՐՈՑԱԿԱՆ  ՀԱՍՏԱՏՈՒԹՅԱՆ /ՄԱՆԿԱՊԱՐՏԵԶԻ/ ՀԱՆԳՍՏՅԱՆ ԳՈՏՈՒ ՍՏԵՂԾՈՒՄ>>:
4.            Խմելու  ջրի  արտահոսքով  կորուստների  վերացման, վարակիչ  հիվանդությունների  կանխարգելման  նպատակով <<ԽՄԵԼՈՒ ՋՐԻ ՆԵՐՔԻՆ  ՑԱՆՑԻ ՎԵՐԱՆՈՐՈԳՈՒՄ>>:
       5.  Բնակչության  հանգստի , ժամանցի  և  զվարճանքի  կազմակերպման նպատակով                   << ԳՅՈՒՂԻ ՀՐԱՊԱՐԱԿԸ ՄԵՐ ԲԱԿՆ Է>>
               ԾՐԱԳՐԻ ԱՎԱՐԱՏԱԿԱՆ  ԻՐԱԿԱՆԱՑՈՒՄ :
6.       Անասնապահական  մթերքների  արտադրության  աճի  ապահովման համար  <<ԱՐՈՏԱՎԱՅՐԵՐԻ ՋՐԱՐԲԻԱՑՈՒՄ>>;
7.        Վարարակն  գետի  աջ և ձախ  թաղամասերի  կոմունիկացիոն  կապերի  ապահովման  մակարդակի  բարձրացման  նպատակով << ԳՅՈՒՂԻ ՄԵԾ ՔԱՐԵ ԿԱՄՐՋԻ ՀԵՆԱՊԱՏԵՐԻ ԱՄՐԱՑՈՒՄ, ՆՈՐՈԳՈՒՄ, ՀԵՏՆԻՈՏՆԱՅԻՆ ԱՆՑՄԱՆ ԿԱՌՈՒՑՈՒՄ, ԳՅՈՒՂԻ ԳԵՏԱՆՑՄԱՆ ՓՈՔՐ ԿԱՄՈՒՐՋՆԵՐԻ ՆՈՐՈԳՈՒՄ>>:
8.    Գյուղատնտեսական  մշակաբույսերի  ցանքսերի  բարելավման  համար  <<ԳՅՈՒՂԻ ՈՌՈԳՄԱՆ ՀԱՄԱԿԱՐԳԻ ՆՈՐՈԳՈՒՄ, ՆՈՐ ՋՐԱԳԾԵՐԻ ԿԱՌՈՒՑՈՒՄ>>:
9.     Վարարակն  գետի  մաքրությունը  ապահովելու,  Գորիս  քաղաքի հյուսիսային  հատվածի  սանիտարահիգիենիկ  իրավիճակի բարելավման համար                      << ՀԱՄԱՅՆՔԻ ԿՈՅՈՒՂՈՒ ՆՈՐՈԳՈՒՄ>>:
10. Հեղեղներից  համայնքի բնակելի  տների,  շինությունների , հողատարածքների հեղեղումներից  ապահովելու  համար <<ԳՅՈՒՂԻ ԿԵՆՏՐՈՆԱԿԱՆ ՀԵՂԵՂԱՏԱՐԻ                 ( ՍԵԼԱՎԱՏԱՐԻ) ԿԱՌՈՒՑՈՒՄ>>:
11.   ՀԱՄԱՅՆՔԻ ԳԵՐԵԶՄԱՆՈՑԻ ՏԱՐԱԾՔԻ ՑԱՆԿԱՊԱՏՈՒՄ
12.    ԾԱՌԱՏՆԿՈՒՄ, ԿԱՆԱՉ ԳՈՏԻՆԵՐԻ ՍՏԵՂԾՈՒՄ ԵՎ ՊԱՀՊԱՆՈՒՄ
13. ԼԻԶԻՆԳԱՅԻՆ ԵՂԱՆԱԿՈՎ  ԿԱՄ  ՀՈՎԱՆԱՎՈՐ
      ԿԱԶՄԱԿԵՐՊՈՒԹՅՈՒՆՆԵՐԻ ԱՋԱԿՑՈՒԹՅԱՄԲ  ՀԱՄԱՅՆՔԻ  ՀԱՄԱՐ  ՆՈՐ
        ԳՅՈՒՂ ՏԵԽՆԻԿԱՅԻ  ԵՎ ՍԱՐՔԱՎՈՐՈՒՄՆԵՐԻ ՁԵՌՔ ԲԵՐՈՒՄ:
14.  Արևային, քամու  և  ջրի  էներգիայի միջոցով  մինի  էլեկտրակայնների կառուցմամբ     << ԳՅՈՒՂԻ ԷՆԵՐԳԵՏԻԿ ՌԵՍՈՒՐՍՆԵՐԻ ՕԳՏԱԳՈՐԾՈՒՄ>>:
15. Գյուղացիական  տնտեսությունների  առջև  կանգնած  խնդիրների  լուծման  , բարելավման  նպատակով  <<ՀԱՄԱՅՆՔՈՒՄ ԳՅՈՒՂԱՑԻԱԿԱՆ ՏՆՏԵՍՈՒԹՅՈՒՆՆԵՐԻ ՄԻԱՎՈՐՄԱՄԲ           ԳՅՈՒՂԱՏՆՏԵՍԱԿԱՆ ԿՈՈՊԵՐԱՑԻԱՅԻ  ՍՏԵՂԾՈՒՄ>>: