ՔՐԻՍՏՈՍ ՀԱՐՅԱՎ Ի ՄԵՌԵԼՈՑ, ՕՐՀՆՅԱԼ Է ՀԱՐՈՒԹՅՈՒՆԸ ՔՐԻՍՏՈՍԻ ՄԵԶԻ ՁԵԶԻ ՄԵԾ ԱՎԵՏԻՍ
Ամեն քրիստոնյա գիտի, որ Հիսուս Քրիստոսի հրաշափառ տոնն ընդունված է անվանել ԶԱՏԻԿ…
Վերիշեն համայնքի Սբ. Նորակնունք եկեղեցում այսօր՝ ապրիլի ութին, Ժամերգություն է տեղի ունեցել և Պատարագ մատուցվել :
Պատարագից հետո, քահանան ներկաներին բաժանեց կարմիր գույնով ներկված ձվերը: Ինչու կարմիր, որովհետև այն կարմիր ներկելով հայտնում ենք, որ ամբողջ աշխարհը՝Հիսուս Քրիստոսի արյամբ գնվեց և դրանով էլ քարոզում է մեր փրկությունը:
Զատիկ կամ Հիսուս Քրիստոսի հրաշափառ Հարության տոն ,որը կոչվում է անցում, զատում, բաժանում, հեռացում մեղքերից , և իրվերջնական իմաստով ՝ վերադարձ առ Աստված :
Զատիկը շարժական տոն է, այսինքն յուրաքանչյուր տարի նրա նշման օրը փոխվում է:
Հայ առաքելական եկեղեցին այն նշում է գարնան գիշերհավասարին հաջորդող լուսնի լրման առաջին կիրակի օրը, որն ընկնում է մարտի 22-ից հետո մինչև ապրիլի 26-ը (35 օր) ժամանակահատվածի վրա:
Սուրբ Զատիկը Նոր տարուց ավելի մեծ տոն է, ցավոք մենք՝ հայերս, այս տոնը մեծ շուքով նշելու ավանդույթը չենք պահպանում:Զատկի տոնի օրվա խորհուրդն է գաթան, ինչպես նաև ձուկը, տարբեր տեսակների կանաչիները, բրնձով և չամիչով կամ ծիրանի չրով փլավը: Փլավն ունի իր խորհրդանիշը. փլավը` ժողովուրդն է, իսկ փլավի մեջի չամիչը կամ չիրը մեր հավատքն է: ՈՒ սեղանին պարտադիր պետք է լինի կարմիր գինին: Ավանդությունից հայտնի է, որ Մարիամ Մագդաղենացին Զատկի տոնին Հռոմում ձու է նվիրել Տիբերիոս կայսրին և ասել << Ձուն օրինակն է ամբողջ աշխարհի , վերին կեղևն օրինակն է երկնքի, թաղանթը՝օդի, սպիտակուցը՝ ջրի , իսկ դեղնուցը՝ երկրի: Ձուն երկու անգամ է ծնվում , առաջին անգամ՝ երբ հավն է ածում,իսկ երկրորդ անգամ ՝երբ ձվից ճուտ է դուս գալիս:
Մարդն էլ է երկու անգամ ծնվում ,առաջին անգամ ՝մորից,իսկ
երկրորդ անգամ՝ Մկրտության ավազանից:Մարդու առաջին ծնունդը մահվան պատճառով անկերպարանք է ,ինչպես ձուն,սակայն երբ՝ Քրիստոս մեզ վրա է ցողում Իր կենդանարար Արյունը, մեզ հարություն է տալիս իբրև կենդանի ձագուկների : Այդ պատճառով էլ Հարության մեծ օրը ձուն ներկում ենք արյան գույնի >>:
Комментариев нет:
Отправить комментарий