Մեզանից շատ-շատերը գրքի հետ ծանոթացել ու մտերմացել են հենց թումանյանական հեքիաթներով, մանկական բանաստեղծություններով, անմահ քառյակներով, պոեմներով...
Գիրք նվիրելու տոնը բազմախորհուրդ է. այն հիշեցնում է մեզ, որ պետք է ճանաչենք գրքի արժեքը, ընթերցենք ու եթե ոչ հաճախ, ապա տարվա մեջ գեթ մեկ օր մեկական գիրք նվիրենք մեր մտերիմներին, հարազատներին: Կարող ենք նվիրել մեր կարդացած ու չկարդացած, հին ու նոր գրքերը` դրանով մեկ անգամ ևս հիշեցնելով, որ գիրքը միտք է ու հոգի, որ այն մեզ նվիրում է վայելքի անմոռաց րոպեներ ու ժամեր: Գիրք նվիրելով` ինքներս մեզ և մեր շրջապատին նվիրում ենք հոգևոր հաղորդակցման հաճելի ու անմոռաց պահեր:
Նվիրեք միմյանց գրքեր ու արթուն պահեք ձեր մեջ ընթերցողին:
Նման ակցիա ենք կազմակերպել Վերիշեն համայնքի բնակիչների , աշակերտների համար:Գյուղապետարանի անունից առաջարկում ենք բոլորին՝ այդ օրը յուրաքանչյուրը մեկական գիրք նվիրեն իրենց համայնքի գրադարանին, քանի որ այնտեղ գրականությունը շատ սակավ է:
Յուրաքանչյուրը , ով կնվիրի գիրքը , նրա անունը, և նվիրած գիրքը կտեղադրենք մեր կայքում՝ նշելով իրենց փոքրիկ, բայց մեծ սրտով կատարած բարեգործության համար:
Այդ ամենը շատ լավ է , սակայն կցանկանայինք այս տոնը տեսնել շարունակական և ամենակարևորը մասսայական: Ավելի ճիշտ ոչ պաշտոնական:
Հարգանքներով Վերիշենի գյուղապետարան:
Комментариев нет:
Отправить комментарий