Այս տոնի հետ կապված շատ միջոցառումներ են կազմակերպվել Հանրապետության բոլոր մարզերում :
Այդպիսի գեղեցիկ , հուզիչ ու անմոռաց գրական ցերեկույթ էր կազմակերպվել Վերիշեն համայնքի միջնակարգ դպրոցում: Երեխաները ոչ միայն հիշեցին ու ասմունքեցին մեծն բանաստեղծ Հովհաննես Թումանյանի ստեղծագործությունները , այլև տոնին միացրեցին մեկ այլ տաղանդավոր բանաստեղծի՝ Սուրեն Այվազյանին: Հունվարի 9-ին լրացել էր նրա 100 ամյակը: Մի փոքր ուշացումով , բայց մեծ շուքով աշակերտները ասմունքեցին ու հիշեցին նրա անցած ճանապարհը:
Միջոցառման կազմակերպիչ Մարինե Բակունցի խոսքերով աշակերտները մեծ ոգեվորությամբ ու աշխատասիրությամբ են պատրաստվել այս միջազգային տոնի առթիվ կազմակերպվող միջոցառման ընթացքին:
Միջոցառման վերջում իրենց տպավորություններwv կիսվեցին դպրոցի տնօրեն Մատվեյ Ղազարյանը, հայոց լեզվի և գրականության ուսուցչուհի, ինչպես նաև միջոցառման կազմակերպիչ, Մարինե Բակունցը , <<Միրհավ>> գրական ակումբի անդամները և այլոք: <<Միրհավ>> գրական ակումբի հյուրերը շնորհակալություն հայտնեցին հրավերի և անմոռաց մեկ ժամ անցկացնելու համար: Նրանք հիացած ու հպարտ հեռացան ՝ վստահ լինելով , որ գալիք այս սերունդը էլ ավելի կրթված ու դաստիարակված է մեծանում, շտկվելով ու հղկվելով նման անվանի ուսուցիչների շնորհիվ :
Комментариев нет:
Отправить комментарий