ՎԵՐԻՇԵՆ ՀԱՄԱՅՆՔԻ ՄԻՋՆԱԿԱՐԳ ԴՊՐՈՑԻ ՔԻՄԻԱՅԻ ԵՎ ԿԵՆՍԱԲԱՆՈՒԹՅԱՆ ԼԱԲՈՐԱՏՈՐԻԱՅԻ ԲԱՑՄԱՆ ԱՐԱՐՈՂՈՒԹՅՈՒՆԸ

Նոյեմբերի  5-ին Վերիշենի միջնակարգ դպրոցում տեղի ունեցավ քիմիայի և կենսաբանության լաբորատորիայի  բացման արարողությունը:

    Բացման արարողությանը ներկա էին ԱՄՆ-ի Խաղաղության Կորպուսի Սյունիքի մարզային կորդինատոր Մերի Առաքելյանը  և  կամավորականներ , Գորիսի քաղաքապետարանի աշխատակիցներ, ԳՊՀ-ի դասախոսներ, Գորիսի դպրոցներից  մանկավարժներ, Վերիշեն համայնքապետարանի ներկայացուցիչներ ,  դպրոցի մանկավարժներ և աշակերտներ :

   Աշակերտները հյուրերին դիմավորեցին աղ ու հացով: Մինչև լաբորատորիայի բացման արարողության սկսելը, աշակերտները երգեցին, պարեցին և իրենց շնորհակալական խոսքերը հղեցին ԱՄՆ-ի Խաղաղության  Կորպուսի բոլոր անդամներին` հատկապես մեր դպրոցում կամավորական Հեդլի Բոնդիին, որը   երկու տարվա պայմանագիր ունի` մեր դպրոցում աշխատելու համար  և  արդեն մեկ տարի է, ինչ այստեղ է:

    Լաբորատորյայի ստեղծման ու կառուցման գործում իրենց մեծ դերն են ունեցել Զարիկ  Հակոբյանն  և Հեդլի Բոնդն, որոնք համատեղ ԱՄՆ-ի խաղաղության Կորպուսին ներկայացրեցին ծրագիր, և ահա այսօր դա արդեն իրականություն է:Այդ լաբորատորիան արդեն ստեղծվել է և ծառայելու իր նպատակին:

   Լաբորատորիան կնպաստի ուսուցման հաջողությանը, քանզի առանց գործնական աշխատանքի, առանց լաբորատոր աշխատանքի ուսուցումը կիսատ է մնում, և երեխաները չեն ստանում այն գիտելիքները, այն  կարողություններն ու հմտությունները,  որ պահանջվում է առարկայական ծրագրերում` կրթական չափորոշիչներով նախատեսված: Այս լաբորատորիան  հնարավորություն կտա աշակերտներին ավելի լավ պատկերացնել քիմիա և կենսաբանություն առարկաները, համատեղել  գործնականն ու տեսականը:

  Եվ այս ամենը  այսօր հասանելի է միմիայն ԱՄՆ-ին Խաղաղության Կորպուսի, որը նյութապես աջակցեց և օգնեց ստեղծել այս լաբորատորիան:

   Բացման խոսքում դպրոցի տնօրեն`  Մատվեյ  Ղազարյանը  ողջունեց հյուրերին և նշեց. << ՀՀ  կրթության զարգացման հեռանկարային ծրագրերում ամենամեծ արժեքը համարվում է հայ մարդու և հայ երեխայի գիտելիքը:

  Այն,  օգտակար հանածոներից բացի, որն արտահանվում է երկրից, ամենամեծ արժեքը / և դա Ռազամավարական ծրագրում է ընդունված/ , համարվում է հայ երեխայի գիտելիքը, և դպրոցի առաքելությունը կայանում է այդ գիտելիքի տրամադրումը: Յուրաքանչյուր քայլ, որ ձեռնարկվում է դպրոցում, նպատակաուղղված է այդ խնդիրների լուծմանը, կրթության  որակի  բարելավմանը:

    Բոլորս  երևի հիշում ենք, որ չորս տարի առաջ “Ջինիշյան Հիշատակի Հիմնադրամ”-ի և '' ԳԵՄ''-ի  միջոցներով դպրոցում կառուցվեց, ստեղծվեց  ֆիզիկայի   լաբորատորիան, որ այս տարիների ընթացքում իր նպաստը բերեց  ֆիզիկա  առարկայի ուսուցմանը:

   Ես մեր դպրոցի և բոլոր ուսուցիչների անունից խորին շնորհակալություն եմ հայտնում ԱՄՆ-ի  Խաղաղության Կորպուսի բոլոր աշխատողներին, որոնք բազմաթիվ ներկայացված ծրագրերի մրցույթի  շրջանակներում,  մեր դպրոցի` միստր Հենդլի Բոնդի և գործընկեր Զարիկ Հակոբյանի կողմից ներկայացված  ծրագիրը  համարեցին արդիական, ժամանակակից պահանջներին համապատասխան, և դրա արդյունքում այսօր ունենք այս լաբորատորիան:

  Շնորհակալություն  ծրագրի իրականացմանը  նպաստած    բոլոր կազմակերպություններին, և բարի երթ այդ ստեղծված լաբորատորիային իր հետագա առաքելության ճանապարհին>>:

  Իր  ելույթում գյուղապետարանի ներկայացուցիչ  Արթուր Շալունցը  կարևորեց դպրոցի տնօրինության մանկավարժների և գյուղապետարանի , համայնքի ավագանու միջև  փոխըմբռնումը, համագործակցությունը  առկա խնդիրների լուծման համար: Վերջիններիս  պատրաստակամությունը, ցուցաբերած օժանդակությունը  կնպաստեն  կրթօջախի զարգացմանը  առաջընթացին և վերջնական արդյունքում բազմակողմանի զարգացած արժեքները կրող ապագա  քաղաքացու ձևավորմանը: Ա. Շալունցը Վերիշեն համայնքի անունից շնորհակալություն հայտնեց այն բոլոր անհատ  անձանց  և  կազմակերպություններին, որոնք մշակել և  իրականացրել են այդ ծրագիրը:

Զարիկ Հակոբյան

   Միջոցառմանը  Զարիկ Հակոբյանը  ողջունեց  հյուրերին և  ավելացրեց.<< Հարգելի  հյուրեր , գործընկերներ, սիրելի աշակերտներ, այսօր տոնական տրամադրությունը պարուրել է բոլորիս: Հպարտության մեծ զգացումով այսօր հայտարարում եմ , որ  մեր դպրոցը ունի նոր , կահավորված վիրտուալ  քիմիայի և կենսաբանության կաբինետ, որը տարիներ առաջ երազանք էր միայն : Երբ  “ՋՀՀ”-ի  և  “ԳԵՄ”-ի  հայտարարած մրցույթով շահեցինք <<ժամանակակից  ֆիզիկայի կաբինետի ստեղծում >> ծրագիրը, շատերի համար դա իրատեսական չեր : Բայց այն ստեղծվեց , որպես  դպրոցի նոր միջոցառումների , հետաքրքիր  դասերի  վիրտուալ կենտրոն , որի համար մեր շնորհակալությունն ենք հայտնում “ԳԵՄ”-ՀԿ-ի նախագահ տիկին Կարինե  Մովսիսյանին, ում  շնորհիվ էլ ծանոթացանք թե ինչպես գրել ծրագիր, և այն էլ լավ ծրագիր:

Հեդլի  Բոնդ

    Ծրագրեր գրելու իներցիան երկար տևեց: Իրականցրինք մի շարք ծրագրեր: Քիմիայի և կենսաբանության  լաբորատորիայի ստեղծումը մեր հերթական ծրագիրն է , այն իրականնացրել ենք ԱՄՆ-ի Խաղաղության Կորպուսի կամավոր Հեդլի Բոնդի հետ:Շնորհակալություն Հեդլիին , իր  նվիրվածության , օրինապահության և կամավորականության  համար: Հեդլիի հետ ծրագրել ենք  նաև նոր մաթեմատիկայի լաբինետի  ստեղծման ծրագիրը, որի վրա արդեն աշխատում ենք>>:

  

Լ.  Էլյազյան