Վերանորոգված դասասենյակ և սանհանգույց՝ Վերիշենի դպրոցում

2015թ հոկտեմբերից մինչև 2016թ մարտ ընկած ժամանակահատվածը Վերիշենի միջնակարգ դպրոցում իրականացվել է առաջին դասարանցիների համար նախատեսված դասասենյակի և սանհանգույցի վերանորոգման ծրագիրը: Ծրագիրը ֆինանսավորել է Գերմանիայի Դաշնային Հանրապետության դեսպանությունը: Վերիշենի համայնքապետարանի և դպրոցի կողմից կատարվել են համապատասխան համաներդրումներ:
Ծրագիրը մշակվել և իրականացվել է Վերիշենի դպրոցի ծնողական խորհրդի նախագահ Մարատ Դադունցի և դպրոցի տնօրեն Մատվեյ Ղազարյանի նախաձեռնությամբ:
Ծրագիրը լավ առիթ հանդիսացավ համախմբելու Վերիշեն համայնքի ակտիվ բնակչությանը, որոնցից շատերը անշահախնդիր իրենց ներդրումն ու մասնակցություն են ունեցել աշխատանքների իրականացման գործում:
Պետք է շեշտել, որ Վերիշեն համայնքի միջնակարգ դպրոցը, համայնքի ամբողջ բնակչությունը երախտապարտ են Գերմանիայի դեսպանատանը: Տնտեսական ծանր ժամանակահատվածում այս նախաձեռնությունը բավական մեծ ու գնահատելի նվեր էր Վերիշեն համայնքի, դպրոցի համար:
Այս ծրագիրը էլ ավելի ամրապնդեց երկու ժողովուրդների միջև առկա բարեկամական կապը, բազմապատկեց Գերմանիայի մշակույթի, լեզվի, երկրի նկատմամբ Վերիշեն համայնքի ունեցած հետաքրքրությունն ու համակրանքը:

Տեսանյութ Վերիշենում կազմակերպված հաղթանակի 70 ամյակին նվիրված միջոցառումների մասին

ՆՈՐ ՄԵԴԻԱ ՏԵԽՆՈԼՈԳԻԱՆԵՐԸ` ՀԱՆՈՒՆ ԽՈՍՔԻ ԱԶԱՏՈՒԹՅԱՆ

2013թ. ապրիլի 1-ից սկսած, Իրավունքների Տեղեկատվական Կենտրոն ՀԿ-ն իրականացնում է ,,Նոր մեդիա տեխնոլոգիաները` հանուն խոսքի ազատության,,  նախաձեռնությունը:
Այդ իսկ պատճառով Վերիշեն համայնքի դպրոցի աշակերտների հետ կազմակերպվեցին  քննարկումներ տվյալ ծրագրի շրջանակներում: Եվ այդ ամենն ունի իր տրամաբանական շարունակությունը:

Ծրագրի նպատակն է
 Գորիսում օնլայն ուղիղ եթերով բանավեճային քննարկումների միջոցով ստեղծել կարծիքներ արտահայտելու այլընտրանքային հնարավորություն:

Դարձիր մեր մեծ թիմի անդամ

ՈՒՇԱԴՐՈՒԹՅՈՒՆ !!!

Եթե Դու տեսել ես այս բլոգն ու քո մեջ մեծ ցանկություն է առաջացել սեփական նյութն ունենալ Վերիշեն համայնքի կայքում, ուրեմն այս հայտարարությունը հենց քեզ համար է:

Բոլոր այն ակտիվ քաղաքացիները, որոնց հետաքրքրում է Վերիշեն համայնքը, ցանկանում են դառնալ այս կայքի հեղինակներից մեկը, ապա անհրաժեշտ է ուղարկել Ձեր մասնակցությունը հավաստող նամակ itekngo@gmail.com հասցեին /subject տողում պարզապես գրեք verishen/:
Մասնակցության նամակում անհրաժեշտ է պատասխանել հետևյալ հարցերին.

Ավարտվեցին համայնքի ղեկավարի և ավագանու անդամների ընտրությունները:

Համայնքի ղեկավար ընտրվեց Արարատ Օրդյանը: Նա  ընտրվեց  չորրորդ անգամ հավաքելով 90%  կողմ ձայն և 10 % դեմ:

Համայնքի ավագանի ընտրվեցին`
1. Արտակ Զադայան
2. Մարտուն Զադայան
3. Գրենա Հարությունյան
4. Սեյրան Հովսեփյան
5. Մինասյան Արմեն
6. Պետրոսյան Սևակ
7. Մարատ Դադունց

Հանդիպում ավագանու անդամի թեկնածուի հետ

Վերիշեն համայնքի ղեկավարի և ավագանու անդամների գրանցված թեկնածուները

Վերիշեն համայնքի ղեկավարի և ավագանու  անդամների գրանցված թեկնածուները, 2012թ սեպտեմբերի 9-ին կայանալիք ընտրություններում

Համայնքի ղեկավարի թեկնածուներ 

1. ՄԻՆԱՍՅԱՆ ՍԱՄՎԵԼ ԱՐՏԱՎԱԶԴԻ        Անկուսակցական

ՎԵՐԻՇԵՆ  ՀԱՄԱՅՆՔԻ    ԳՅՈՒՂԱՊԵՏԱՐԱՆ ՎԱՐՈՐԴ

2. ՕՐԴՅԱՆ  ԱՐԱՐԱՏ  ՍՊԱՐՏԱԿԻ             ՀՀԿ ,   ՀԱՄԱՅՆՔԻ  ՂԵԿԱՎԱՐ

ՄԱՅԻՍԻ ԻՆՆԸ՝ ՀԱՅ ԺՈՂՈՎՐԴԻ ՑՆԾՈՒԹՅԱՆ և ԽՂԱՂՈՒԹՅԱՆ ՕՐ

Մայիսի 9-ին հայ ժողովուրդը տոնում է Հայրենական մեծ պատերազում տարած հաղթանակի և Շուշիի ազատագրման օրերը։ 1992 թ.-ի մայիսի 8-9-ը բեկումնային օրեր եղան Արցախյան ազատագրական պայքարի համար: Եվ   այսօր՝ 2012թ.-ի  մայիսի 9-ին Լ.Ղ.-ում նշվեց Շուշիի ազատագրման քսան ամյակը:

Մայիսի լույս 9-ի գիշերը  անկրկնելի, ըղձալի, hայ ժողովրդի հաղթանակաի, երազանքների ու  խաղաղության անմոռանալի օրը եղավ  : Օրացույցների մեջ ոսկե տառերով  գրվեց  մայիսի 9-ը որպես հաղթանակի օր, համաժողովրդական ցնծության օր:Հաղթանակորեն ավարտվեց հայրենական մեծ պատերազմը: Ամեն տարի այդ օրը մեր հայ ժողովուրդը  թնդում է  հաղթանակի բերկրալի որոտից:Եվ այժմ  ՝ մայիսի իննին, մեր հայ ազգը  ՀՀ.  քաղաքներում  ու գյուղերում  ցնծությամբ է դիմավորում իր հաղթանակը, որպես իր  անձնազոհ պայքարի, անխոնջ աշխատանքի օր:

ՎԵՐԻՇԵՆ ՀԱՄԱՅՆՔԻ ՄԻՋՆԱԿԱՐԳ ԴՊՐՈՑԻ ՔԻՄԻԱՅԻ ԵՎ ԿԵՆՍԱԲԱՆՈՒԹՅԱՆ ԼԱԲՈՐԱՏՈՐԻԱՅԻ ԲԱՑՄԱՆ ԱՐԱՐՈՂՈՒԹՅՈՒՆԸ

Նոյեմբերի  5-ին Վերիշենի միջնակարգ դպրոցում տեղի ունեցավ քիմիայի և կենսաբանության լաբորատորիայի  բացման արարողությունը:

    Բացման արարողությանը ներկա էին ԱՄՆ-ի Խաղաղության Կորպուսի Սյունիքի մարզային կորդինատոր Մերի Առաքելյանը  և  կամավորականներ , Գորիսի քաղաքապետարանի աշխատակիցներ, ԳՊՀ-ի դասախոսներ, Գորիսի դպրոցներից  մանկավարժներ, Վերիշեն համայնքապետարանի ներկայացուցիչներ ,  դպրոցի մանկավարժներ և աշակերտներ :

   Աշակերտները հյուրերին դիմավորեցին աղ ու հացով: Մինչև լաբորատորիայի բացման արարողության սկսելը, աշակերտները երգեցին, պարեցին և իրենց շնորհակալական խոսքերը հղեցին ԱՄՆ-ի Խաղաղության  Կորպուսի բոլոր անդամներին` հատկապես մեր դպրոցում կամավորական Հեդլի Բոնդիին, որը   երկու տարվա պայմանագիր ունի` մեր դպրոցում աշխատելու համար  և  արդեն մեկ տարի է, ինչ այստեղ է:

Քիմիայի և կենսաբանության լաբորատորիայի բացման արարողությունը Վերիշենում